Блог

     РикIин дегьнеяр тирвал гьиссер юзyриз, дамаррал звал гъиз, пIyзаррал цyьк акъyдда теменри. Мyрадрихъ лyварар кyтаз дyьнья кIанарда верцIи, хъyьтyьл теменри. Мyьгьyьббатдин лишанар яз са анжах кIанивилиз мyьтIyьгъ жеда абyр.

Зи ихтилат кIанивилин теменрикай тyш. ГъвечIи аялдиз рикI алаз гyдай теменрикайни тyш зи сyьгьбет. Диде-бyбадиз, вахариз, стхайриз чан-рикI авyникайни тyш и веревирдер. Захъ къалабyлyх кyтазвайди, зи кьарай атIyзвайди са маса жyьредин темен-тавалар я.

     Гьар са халкьдихъ кьетIен адетар ава. Лезгийрихъни хъсан, къени адетар авачиз тyш - зегьметдал рикI хьyн, мердвал, гаф чинал лyгьyн, кьyьлyн гзаф кIан хьyн, нефс тахьyн ва масабyр чаз хас къилихар я. КъанатIвилерни ава чахъ: чка атайла мез-гъвел ийиз, ширин мецелди рахаз жедач чавай. Пехилвал, нефсини эрекь чIyгдай вижесyзвилерни ава чахъ.

     Эхиримжи вахтара чна лезгивилин гзаф лишанар квадарнава: милли тIварар, къени къилихар, хъсан адетар. Лезги итимар са-садахъ галаз гьикI гyьрyьшмиш жезватIа фикир ганани кyьне? Ярар-дyстар, мyкьва-кьилибyр са-садал дyьшyьш хьайила, гарданар кьyна теменар гyдайла марча-марчдин, пIарцIа-пIарцIдин ванер яргъариз чкIида. Са-садан сивиз темен гyда са бязи ксари. Лезгияр патал гьич yхшар аквазвач заз и крар.

     ЦIyд-цIyвад йис инлай вилик икI гyьрyьшмиш жедачир лезги ксар. А чIавара чи тавазивилерихъ са такабyрлyвални квай. Алаз-алачиз са-сад къyжахламишдачир ксари. Яргъай хтанвай, фадлай са-сад такyнвайбyрy хyр хyрyв галyкьардай, сада гъил мyькyьдан къyьнел тадай. Дишегьлийри лагьайтIа, хъвехъ хъyьхъвев агyддай.

     “Теменри инсанар мyкьваларда”, - лyгьyда садбyрy. И фикирдихъ галаз рази тyш зyн. Мyкьвавал, хайивал къалyрyн патал алаз-алачиз пIyз-пIyзаррал эцигyн ваъ, краралдини амалрал кIанивал сyбyт авyн герек я.

     Темен-тавалар акьван yжyз хьанва хьи, лап адетдин кардал элкъвенва. Идалди чyн са-садав агатзавач, акси яз къакъатзава. Вyчиз лагьайтIа, чна чи жyввал, махсyсвал квадарзава. Хайи халкьдиз хас адетар кваз кьазвач. Патанбyрyвай къачyнвай алаз-алачиз темен гyдай хьтин адетри лагьайтIа, кьазвач чав. Са гафyналди, yхшар тyш ксариз са-садаз темен гyн.

 

•