Йикъарган
Фири яру шив
2020-07-09
Жегьил кхьираг Азизрин Севдади «Фири яру шив» тIвар гана чIехи тираждалди Бакудин «Elm və təhsil» нешриятда чапдай акъуднавай вичин сад лагьай махарин ктабдалди гъвечIи кIелдайбур лугьуз тежедай кьван шадарна. Ктабдин редактор Седакъет Керимова, шикилар чIугурди Саида Чеботарёва я. Суьгьуьрдин, яшайишдин, гьайванрикай туькIуьрнавай дерин мана-метлебдин махар ранглу шикилралди тамамарзавай, вини дережадин ерида аваз чапнавай и ктаб чи аялар патал багьа савкьват я.
Авторди къелемдиз къачунвай махар цIийи жуьрединбур я лугьуз жеда. Абур чпиз хас чIалал теснифнава. Рангар ядай гафарикай, гекъигунрикай ва чIалан маса такьатрикай хъсандиз менфят къачунва. Махарин чIал цIалцIамди, иерди, кIелдайбурун фикир желбдайди я.
