Bloq
Муг чукIун тавурай
Чи кIвалин патав гвай тама са алучадин тарцин са ни ятIани цIийиз ханвай хилекай куьрс хьанвай муг акурла рикI тIар хьана зи. Мукьув агатайла са туртурдин зарул ван галукьна зи япарихъ. Ада яргъалай хьиз лув гуз, вичин муг хуьзвай. Мука 3 кака авай. Туртурри адет яз вад кака хана, ахпа абурал ацукьда. Бес и фагъирди муькуь кьве кака куьрс хьанвай мука гьикI эциграй? Муг алай чкадилай къахчуна патав гвай алучадин тарцин хилерин арада, ават тийидайвал туна за. Туртурди сифте вич элягъиз къахчуна. Са герендилай кис хьана ам. Зун тарцивай яргъаз хьайила къушра шад манидал илигна. И къушран муг чукIуникай хвена лугьуз акьван бахтлу тир хьи, зун. И дуьньяда садан мугни чукIун тавурай!
